ملخص لقاء لارا على اذاعة ميلودي اف ام البنانية

اللقاء بشكل عام كان بيضحك وحلو كتير

اول شي بلشو يسالو مين الضيف المشاهدين بيتلفنوا لحتى يحزرو مغيرين كانو صوتا المتصل بيسال سؤال وهي بتجاوب يا اى يا لا

من اول اتصال دغري عرفو انو لارا


كانت لارا مهضومة كتير وكل الوقت تضحك وتمزح مبين عليا مبسوطة


وسالو كم سؤال متل العادة عن جان ماري وعن رولا سعد وعن الغنية لجديدة وغنت مقطع منا للغنية كتير حلوة

وغنت عربي حلوة يا بلدي تبع داليدا


وحكت عن رمضان بمصر انو حلو وهيك كم شغلة
وقالت حتعمل البم يا باخر السنة او اول لسنة لجاي بينزل


فيو كم غنية هي كاتبتن تقريبا
وقالت انو قبل الحفلة بشهر كانت متوترة كتير بس كانت مبسوطة بالحفلة بس اول ما خلصت تاني نهار فاقت مريضة كتير لان كانت متوترة قبل الحفلة



وقالت انو عم تحكي مع طلاب كتير من الاكاديمي غير السيزون تبعن وتلفن ريان حكي معا وغنت هي وياه
my way


وقالت انو من فترة كانت عم تتغدى مع هيفا وانو بتحبا كتيير هي وشيرين لان دعموها كتير وقت نزلت غنيتا وراحو حفلاتا


وحكيت عن اهلا

وانن دايما بيدعموها وبيعملو لمستحيل كرمالا وانو هي مستحيل تزعلن بشي وبتحبن كتير وعن اختا انو هي الستايلست تبعا وبتصمملا الرقصات ودايما بتنصحا وبتحبا كتير وما بتتخانق هي وياها ابدا

واخر شي بارت محمد كان قبل ما يختمو
قالت لمزيعة في شي بتحبي تقوليه ما حدا بيعرفو ههههههههه لارا تذاكت وقالت انو هي من برج القوس

المزيعة قالت لا ليش لكل بييسال عنو وانا كمان بدي اسال عن محمد باش


قالت لارا انو منيح كتير وهو اجا عملا مفاجاة لان كان قايل للكل انو مش جاي وقعدت تتشارع معو ع التليفون ساعة كيف مش جاي خخخخ بس قال انو ما بدو يجي بس كان عم يتزانخ يعني بدو يعملا ياها سربرايز


وهلأ راح ع سوريا كرمال اهلو بدو يكون معن برمضان

وفي بنت تلفنت من المغرب حكيت معا وفي واحد تلفن قال كان يبعتلا ورود وقت الاكاديمي

وقالت انو هي بتحب لبنان دايما بتجي وبلدا لتاني وحكيت شوي لبناني كانت عسل بتجنن
وتحسنت بالعربي كتير

وقالت انو بعد قاعدة اسبوع بلبنان لان جامعتا بسبتمير



منقول من الفيس بوك من بنت لبنانية سمعت اللقاء

مع الاسف الاذاعة مش عندها لينك عالنت